Mayın 15-də keçirilən bir neçə imtahanın nəticələri elan edilib. Bu haqda Dövlət İmtahan Mərkəzi (DİM) məlumat yayıb.
İştirakçılar nəticələri buraxılış vərəqəsində verilən kodu 7727 nömrəsinə göndərməklə və yaxud sayta daxil olaraq öyrənə bilərlər.
Həmin tarixdə aşağıdakı imtahanlar keçirilib:
- əvvəlki illərin məzunları üçün 9 illik təhsil bazasında kolleclərə qəbul imtahanı;
- müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı;
- qəbul imtahanını buraxılış imtahanında verdiyi dildən fərqli dil üzrə vermək istəyən cari ilin məzunları üçün əlavə tədris dili imtahanı;
- aprel-may aylarında keçirilmiş buraxılış imtahanlarında iştirak edə bilməmiş cari ilin IX sinif şagirdləri üçün buraxılış imtahanı;
- eksternat qaydasında IX sinif üzrə yekun attestasiyada iştirak etmək istəyən şəxslər üçün buraxılış imtahanı;
- buraxılış imtahanlarında iştirak edə bilməmiş əvvəlki illərin IX sinif məzunları üçün buraxılış imtahanı.
Apellyasiya prosesi iyunun 8-də "Zoom" proqramı və ya telefon əlaqəsi vasitəsilə təşkil ediləcək. Müraciət etmək istəyənlər 5 iyun saat 10:00-dan 7 iyun saat 17:00-dək DİM-in saytından qeydiyyatdan keçə bilərlər.
