Milli Qəhrəman Salatın Əsgərovanın oğlu Ceyhun Əsgərov xəstəxanaya yerləşdirilib
Tanınmış jurnalist Ceyhun Əsgərov sosial şəbəkədə izləyicilərini narahat edən paylaşım edib. O, “Bu sizə son sözümdür. Üç gündür ki, yataqdan qalxa bilmirəm” sözlərini yazıb.
Bir neçə gündür səhhətində problem olduğu bildirilən jurnalist təcili yardım vasitəsilə Kliniki Tibbi Mərkəzin Toksikologiya şöbəsinə yerləşdirilib. Müalicə olunan Ceyhun Əsgərovun vəziyyətinin stabil olduğu, lakin həkim nəzarətində saxlanıldığı bildirilir.
Musavat.com-un məlumatına görə, ona dərhal sistem qoşulub və vəziyyəti normallaşmağa başlayıb. Jurnalist özü də durumunun nisbətən düzəldiyini bildirib.
Gözlənilir ki, Ceyhun Əsgərov bu gecə və ya sabah səhər evə buraxılacaq.
