Ədliyyə Nazirliyinin "Mobil notariat" tətbiqinin fəaliyyətində bu gün qısamüddətli texniki fasilələrin yaranacağı ilə bağlı xəbərdarlıq edilib. Bu barədə Report 7 yanvar tarixində məlumat verib.
Problem tətbiqin yeni versiyasının istifadəyə verilməsi ilə bağlıdır.
Həm “Appstore”dan, həm də “Google Play”dan mobil cihazlara ödənişsiz yüklənən bu proqram təminatı vasitəsilə şəxsin iştirakçısı olduğu bütün notariat əməliyyatları ilə bağlı sənədlərin elektron versiyasının vahid mənbədə mobil telefonda saxlanılması, onların qüvvədən düşməsi barədə məlumatın dərhal alınması, habelə həmin sənədlərdən istifadə edilməsi mümkündür.
"Mobil notariat" tətbiqi vasitəsilə notariat sənədlərinin həqiqiliyini onun üzərində yerləşdirilmiş QR-kod və ya şəxsin fərdi identifikasiya nömrəsi (FİN) və sənəd üzərində yerləşdirilmiş identifikator (barkod) əsasında yoxlamaq mümkündür.
