Müdafiə Nazirliyi avtoxuliqanlıq hərəkətləri edən əsgərlə bağlı məlumatlara aydınlıq gətirib. Bu barədə mayın 24-də Nazirlikdən Report-a xəbər verilib.
Bildirilib ki, "N" nömrəli hərbi hissədə müddətli həqiqi hərbi xidmətdə olan əsgər Məlikov Əziz Soltanpaşa oğlu intizamsızlıq göstərərək hərbi hissəni özbaşına tərk edib və qanunsuz hərəkətlərə yol verib.
Bununla bağlı Əziz Məlikov barəsində lazımi sənədlər toplanaraq cari ilin mart ayında xidmət etdiyi qarnizon Hərbi Prokurorluğuna göndərilib.
Qeyd edək ki, Əziz Məlikov törətdiyi avtoxuliqanlıq hərəkətlərini videoya çəkərək sosial şəbəkələrdə paylaşıb.
