Narkotik alqı-satqısı ilə məşğul olan Yardımlı sakini polis şöbəsində vəfat edib. Bu barədə iyunun 1-də Daxili İşlər Nazirliyindən Report-a məlumat verilib.
Belə ki, 47 yaşlı Rövşən Əliyev saxlanılaraq polis şöbəsinə gətirilib. Onun üzərindən külli miqdarda narkotik vasitə aşkar olunub. İlkin dindirmə zamanı saxlanılan şəxsin qəfil halı pisləşdiyi üçün təcili tibbi yardım çağırılıb. Göstərilən səylərə baxmayaraq, narkotik aludəçisi ölüb.
Prokurorluq əməkdaşlarının və mərhumun yaxın qohumlarının iştirakı ilə meyitə baxış keçirilib. Meyit üzərində hər hansı xəsarət aşkar edilməyib.
Faktla bağlı prokurorluqda araşdırma aparılır.
