Masallı rayonunun Sərçivar kəndində narkotik təsiri altında olan sürücü saxlanılıb. Bu barədə iyunun 29-da Daxili İşlər Nazirliyinə istinadən Report məlumat yayıb.
Hadisə iyunun 24-də baş verib. “KamAZ” markalı avtomobil nəzarət qaydasında saxlanılıb. Yoxlama zamanı sürücü Fariz Məmmədovun avtomobili sürücülük hüququ olmadan və narkotik vasitənin təsiri altında idarə etdiyi müəyyən edilib.
Sözügedən şəxsin barəsində protokol tərtib edilib. O, inzibati qaydada həbs edilib.
