2022-ci ilin yanvar-may aylarında narkotiklərlə bağlı 4 853 cinayət faktı aşkarlanıb. Bu barədə iyunun 20-də Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasından məlumat verilib.
Ümumilikdə 89 milyon manat dəyərində 2,8 tondan çox narkotik vasitə və psixotrop maddələr dövriyyədən çıxarılıb.
Narkotiklərin qanunsuz dövriyyəsi ilə bağlı cinayət məsuliyyətinə 3 065 nəfər cəlb olunub. Onlardan 56-sı xarici ölkə vətəndaşı olub.
Narkotik vasitələrin və narkomanlığın yayılmasının qarşısını almaq üçün “802” qaynar xəttinə zəng vurmaq olar. Bu nömrəyə narkotikin qanunsuz dövriyyəsi, narkotik asılılıqdan müalicə, ailələrə psixoloji dəstək göstərilməsi məsələləri ilə bağlı müraciət etmək olar.
