Rəqəmsal inkişaf və nəqliyyat naziri Rəşad Nəbiyev Kürdəmir, Ucar, Göyçay, Ağdaş və Zərdab rayonlarının sakinlərini qəbul edəcək. Bu barədə Rəqəmsal İnkişaf və Nəqliyyat Nazirliyi mayın 17-də məlumat verib.
Qəbul Ucar şəhəri, Heydər Əliyev prospekti, 153 ünvanında yerləşən Heydər Əliyev Mərkəzində mayın 20-də, saat 10:00-da baş tutacaq.
R.Nəbiyev sözügedən bölgələrdə göstərilən nəqliyyat, telekommunikasiya, habelə internet, teleradio yayımı və poçt xidmətləri sahəsində vətəndaşları dinləyəcək.
