"Netflix" son altı ayda ikinci dəfə kiberhücuma məruz qalıb. Bu dəfə hakerlər "Stranger Things" serialının 5-ci mövsümünə aid məxfi detalları internetə sızdırıb.
İnsanoid.com Xarici KİV-lərə istinadən xəbər verir ki, süjet xətti, çıxış tarixi və digər mühüm məlumatlar 22 fevralda baş verən kiberhücum nəticəsində yayılıb.
Məlumata görə, hakerlər 400-dən çox sənədə giriş əldə ediblər, o cümlədən 90 səhifəlik məxfi dosye sızdırılıb. "Netflix" bu məzmunların silinməsi üçün YouTube, TikTok və digər sosial media platformalarında tədbirlər görsə də, spoilerlərin yayılmasının qarşısını almaqda çətinlik çəkir.
Serialın 5-ci mövsümünün 2025-ci ilin sonlarında yayımlanması planlaşdırılır. Lakin əvvəlki mövsümlərin iki hissəyə bölündüyünü nəzərə alsaq, bu tarix dəqiq deyil.
Bu hadisə "Netflix"in təhlükəsizlik sistemlərində ciddi boşluqların olduğunu göstərir və platformanın məzmun təhlükəsizliyini təmin etməkdə çətinlik çəkdiyini ortaya qoyur. Əsas sual budur: Yeni mövsüm planlaşdırıldığı kimi yayımlanacaqmı, yoxsa gecikəcək?
