Dünən, mayın 31-də Norveçin Stavanger şəhərində keçirilən şahmat üzrə Norway Chess turnirinin ilk turunun oyunları keçirilib.
Şəhriyar Məmmədyarov ilk turda ağ fiqurlarla norveçli Aryan Tari ilə heç-heçə oynayıb. Armageddonda isə Şəhriyar rəqibindən üstün olub və 1,5 xal qazanıb. Teymur Rəcəbov isə qara fiqurlarla ABŞ-dan olan Uesli Soya məğlub olub. Bu gün Şəhriyar qara fiqurlarla fransalı Maksim Vaşye-Laqravla, Teymur isə ağ fiqurlarla Aryan Tari ilə qarşılaşacaq.
Qeyd edək ki, sözügedən turnirin son qalibi Maqnus Karlsendir. Yarışın ümumi mükafat fondu 2,5 milyon Norveç kronudur (təxminən 265 min dollar). Qalib idmançı 750 min kron (təxminən 80 min dollar) qazanacaq.
