Dünən, iyunun 1-də Norveçin Stavanger şəhərində keçirilən şahmat üzrə Norway Chess turnirinin ikinci turunun oyunları keçirilib.
Rəcəbov armageddonda Aryan Taridən üstün olub və 1,5 xal əldə edib. Məmmədyarov isə əlavə oyunda Maksim Vaşye-Laqrava məğlub olaraq 1 xalla kifayətlənib. Beləliklə, 2 turdan sonra Şəhriyarın aktivində 2,5, Teymurun isə 1,5 xalı var. Bu gün Rəcəbov qara fiqurlarla Maqnus Karlsenə, Məmmədyarov isə ağ fiqurlarla Veselin Topalova qarşı oynayacaq.
Qeyd edək ki, sözügedən turnirin son qalibi Maqnus Karlsendir. Yarışın ümumi mükafat fondu 2,5 milyon Norveç kronudur (təxminən 265 min dollar). Qalib idmançı 750 min kron (təxminən 80 min dollar) qazanacaq.
