Dövlət Gömrük Komitəsinin “Astara” gömrük postunda ölkəyə psixotrop maddə keçirmək istəyən şəxs saxlanılıb. Bu barədə iyunun 3-də Dövlət Gömrük Komitəsi xəbər yayıb.
Belə ki, “DAF” markalı yük avtomobili gömrük nəzarətindən keçərkən saxlanılıb. Sürücü üzərində və idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib.
Şəxsi yoxlama zamanı vətəndaşın cibində və avtomobildə bir ədəd selofan bükümdə çəkisi 1,8 qram metamfetamin aşkar edilib.
Xatırladaq ki, metamfetamin "Dövriyyəsi qadağan edilən psixotrop maddələrin I Siyahısı"na daxildir.
