Ötən gün ərzində törədilmiş 73 cinayətin üstü “isti izlər”lə açılıb. Bu barədə iyunun 3-də Daxili İşlər Nazirliyinin rəsmisi Elşad Hacıyev məlumat verib.
Daha öncə törədilən 8 cinayətin üstü də açılıb. Cinayət törətməkdə şübhəli bilinən 16 nəfər saxlanılıb.
Narkotik satışı ilə bağlı 38, silah-sursatın qanunsuz olaraq saxlanılması ilə əlaqədar 3 fakt qeydə alınıb.
Axtarışda olan 70 nəfər, həmçinin borclu şəxs qismində axtarışda olan 51 nəfər saxlanılıb.
Bununla yanaşı, ölkədə bir nəfərin ölümü ilə nəticələnən yol qəzası baş verib.
