Vladimir Putin Rusiya Sənayeçilər və Sahibkarlar İttifaqı ilə 18 martda keçirilən qapalı görüşdə bəyan edib ki, Rusiya Krım, DNR, LNR, eləcə də Xerson və Zaporojye vilayətlərinin rəsmi olaraq Rusiya ərazisi kimi tanınması şərti ilə Odessa və digər Ukrayna ərazilərinə iddia etməyəcək.
Bu açıqlamanı “Kommersant” qəzetinin xüsusi müxbiri Andrey Kolesnikov yayıb.
Rusiya Prezidenti Vladimir Putin 18 martda Rusiya Sənayeçilər və Sahibkarlar İttifaqı (RSPP) ilə qapalı görüşdə Ukrayna və sülh danışıqları barədə danışıb.
Putin bildirib ki, Ukraynanın Krımın tanınması ilə bağlı danışıqlara başlamaq imkanı var idi. Daha sonra Luqansk və Donetsk respublikalarının muxtariyyətinin tanınması, daha sonra isə bu ərazilərlə yanaşı, Xerson və Zaporojyenin Rusiyanın tərkibində olması müzakirə edilə bilərdi. O vurğulayıb ki, Ukrayna nə qədər gecikdirsə, razılaşmaq ehtimalı bir o qədər azalır.
İndi danışıqlarda əsas şərt bu ərazilərin Rusiya tərkibində tanınmasıdır. Putin qeyd edib ki, əgər bu yaxın zamanda baş verərsə, Rusiya Odessaya və digər Ukrayna ərazilərinə iddia etməyəcək. Bununla belə, o əlavə edib ki, vəziyyət dəyişə bilər, çünki Ukrayna lazımi müdafiə tədbirlərini həyata keçirməyi çatdırmır.
Görüş iştirakçıları vurğulayıb ki, Putin Donald Trampla razılaşma əldə edə biləcəyinə inanır.
Bu görüş, Putinlə Tramp arasında baş tutan telefon danışığından əvvəl keçirilib.
Ukrayna Prezidenti Vladimir Zelenski daha əvvəl bəyan etmişdi ki, Kiyev üçün Ukrayna ərazilərinin Rusiya tərəfindən hüquqi baxımdan tanınması qırmızı xəttdir. Bununla belə, o etiraf edib ki, müharibə bitdikdən sonra bəzi ərazilər de-fakto Rusiya nəzarətində qala bilər.
The New York Times Ukraynada Trampın Odessanı Putinə vermə ehtimalı ilə bağlı narahatlıqların olduğunu yazıb. Semafor nəşrinin məlumatına görə, Tramp administrasiyası sülh sazişi çərçivəsində Krımın rəsmi olaraq Rusiyanın tərkibində olduğunu tanımaq imkanını nəzərdən keçirir.
