Salyanda qardaşını öldürməkdə təqsirləndirilən şəxsin məhkəməsi keçirilib. Bu barədə oktyabrın 19-da Report xəbər yayıb.
Hadisə bu il iyulun 15-də baş verib. 1964-cü il təvəllüdlü Ələkbər Abbasov qardaşı, 1977-ci il təvəllüdlü Mehman Abbasov tərəfindən bıçaqlanıb. Mehman aralarında yaranmış mübahisə zamanı birlikdə yaşadıqları evin həyətində Ələkbər Abbasova bıçaqla xəsarətlər yetirib.
Mehman Abbasova “qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə ittiham elan edilib və barəsində həbs qətimkan tədbiri seçilib.
