Türkiyənin Qaziantep əyalətinin Nurdağ rayonunda 4,5 maqnitudada zəlzələ olub. Bu barədə 11 fevral tarixində Report məlumat verib.
Bildirilib ki, yeraltı təkan fevralın 11-i yerli vaxtla səhər saat 10:55-də baş verib. Zəlzələnin episenrti rayonun İkizkuyu kəndində, 6,5 kilometr dərinlikdə yerləşib.
Qeyd edək ki, fevralın 6-da Türkiyədə zəlzələ olub. Son məlumata görə, hadisə nəticəsində 20 665 nətər həlak olub, 91 511 nəfər yaralanıb.
Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.
