Rəqəmsal inkişaf və nəqliyyat naziri Rəşad Nəbiyev iyulun 1-də Qobustan, Şamaxı, Ağsu və İsmayıllı rayon sakinlərini qəbul edəcək. Bu barədə 24 iyun tarixində Nazirlik məlumat verib.
Məlumata əsasən, nazir bu bölgələrdə göstərilən nəqliyyat, telekommunikasiya, internet və poçt xidmətləri sahəsində əhalini maraqlandıran məsələlərlə bağlı vətəndaşları dinləyəcək. Bildirilib ki, görüş saat 10:00-da YAP Şamaxı rayon təşkilatının inzibati binasında (ünvan: Şamaxı şəhəri, Şəhriyar küçəsi 37) keçiriləcək.
Qeyd olunub ki, qəbula yazılmaq üçün 30 iyun 2022-ci il tarixinə qədər nazirliyin Çağrı Mərkəzi (1655), elektron poçtu ([email protected]) və 012 598 58 58 (daxili 222 və 290) nömrəli telefon vasitəsilə müraciət etmək mümkündür.
