Şah Sultan Hüseyn məscidi bərpa ediləcək. Bu barədə 21 oktyabr tarixində Mədəni İrsin Qorunması, İnkişafı və Bərpası üzrə Dövlət Xidmətindən məlumat verilib.
Məlumata əsasən, bu gün Novxanı qəsəbəsində yerləşən Şah Sultan Hüseyn məscidinin ətrafında təmizlik aksiyası həyata keçirilib. Tədbir çərçivəsində XVII əsrdə inşa olunan məscidin ətrafı məişət tullantılarından təmizlənib, ərazidə abadlıq işləri görülüb.
Qeyd edək ki, yerli əhəmiyyətli tarix-memarlıq abidəsi olan Şah Sultan Hüseyn məscidinin yaxın zamanda bərpasına başlanılması planlaşdırılır. Bunun üçün artıq hazırlıq işlərinə başlanılıb.
Aksiya iştirakçıları daha sonra yeni bərpa-konservasiya olunan, XIX əsrdə inşa edilən hamama baxış keçiriblər. Tarixi abidənin turizm baxış obyekti kimi istifadə olunması planlaşdırılır.
[gallery link="file" size="full" ids="90145,90146,90147"]
