Şəhid ailələri üçün Prezidentin aylıq təqaüdü 220 manatdan 500 manata çatdırılıb. Bu barədə 11 iyun tarixində Report Dövlət Sosial Müdafiə Fondu sədrinin sözlərinə istinadən məlumat verib.
DSMF sədri bildirib ki, Prezidentin aylıq təqaüdü də artırılıb: “1-ci dərəcə üzrə 165 manatdan 400 manata çatdırılıb, 1-ci dərəcə əlilliyi olanlara qulluğa görə təqaüd (80 manat) təsis olunub, 2-ci dərəcə üzrə 143 manatdan 350 manata, 3-cü dərəcə üzrə 110 manatdan 300 manata çatdırılıb”.
Sədrin sözlərinə görə, müharibə əlillərinə müavinət artımlarına gəldikdə isə 1-ci dərəcə üzrə 101 manatdan 220 manata, 2-ci dərəcə üzrə 81 manatdan 180 manata, 3-cü dərəcə üzrə 73 manatdan 120 manata çatdırılıb.
