Şəkidə leysan nəticəsində daşan çay fəsadlar törədib. Bu haqda mayın 25-də APA xəbər yayıb.
Mayın 25-də gecə saatlarında rayonun Cəfərabad kəndindən keçən Böyük Dəhnə çayında daşqın baş verib. Daşqın nəticəsində 5 evin həyətyanı sahəsinə və həyətdə olan köməkçi tikililərə sel suları dolub. Daha iki yaşayış evinin birinci mərtəbəsinə sel suları dolub.
Səhər saatlarında müvafiq qurumların nümayəndələri həyət və evlərdəki sel sularını nasoslar vasitəsilə ərazidən kənarlaşdırıblar.
Qeyd edək ki, kəndin elektrik və qaz təchizatında fasilə yaranmayıb. Rabitə xətlərinə ziyan dəyməyib.
