Mayın 14-də Şamaxıda qətl törədən şəxs saxlanılıb. Bu barədə Baş Prokurorluqdan məlumat verilib.
Belə ki, “Şamaxı” adlı marketdə gözətçi işləyən Mülkalı Rizvanov aralarında yaranmış mübahisə zamanı Şəfayət Haciyevə gəzdirdiyi cib bıçağı ilə çoxsaylı xəsarətlər yetirib. Daha sonra mişar daşı parçası ilə vuraraq öldürüb.
Faktla bağlı “qəsdən adam öldürmə” maddəsilə cinayət işi başlanılıb. Mülkalı Rizvanov şübhəli şəxs qismində tutularaq istintaqa cəlb edilib.
