Şəmkirdə kultivasiya yolu ilə yetişdirilmiş çətənə kolları aşkar edilərək götürülüb. Bu barədə mayın 28-i Trend-də DİN-dən məlumat verilib.
Rayonun Sabirkənd kənd sakini Nəriman Məmmədovun evinin həyətində 16 ədəd ümumi çəkisi 5 kiloqram 800 qram olan narkotik çətənə kolları götürülüb. Bundan başqa, yardımçı tikilidən də qurudulmuş marixuana aşkar edilib.
Dindirilmə zamanı saxlanılan şəxs çətənə kollarını cari ilin fevral ayında satış məqsədi ilə əkdiyini etiraf edib. Faktla bağlı cinayət işi başlanılıb, araşdırmalar davam etdirilir.
