Samuxda qanunsuz saxlanılan ov silahları müsadirə edilib. Bu barədə 15 fevral tarixində Daxili İşlər Nazirliyi İnsanoid-ə məlumat verib.
Samux Rayon Polis Şöbəsinin əməkdaşlarının keçirdiyi müvafiq tədbirlər nəticəsində rayonun 14 nəfər sakinindən müvafiq sənədləri olmayan müxtəlif marka və kalibrli ov tüfəngləri aşkar edilərək götürülüb. Həmin silahlar müvafiq ekspertizaya göndərilib, sahibləri ilə profilaktiki söhbət aparılaraq barələrində qanuna müvafiq tədbir görülüb.
Bundan başqa, Polis Şöbəsinin əməkdaşları tərəfindən məişət tullantılarının urnalardan kənara atılmasının qarşısının alınması məqsədilə rayon ərazisində reyd keçirilib. Bəzi şəxslər tərəfindən ətraf mühitin çirkləndirilməsi halları ilə bağlı 13 fakt aşkarlanıb.
Həmin şəxslərlə izahedici söhbətlər aparılıb və barələrində “məişət tullantılarının tutumlardan kənar yerlərə atılmasına görə” maddəsi ilə protokol tərtib olunaraq hər biri 50 manat məbləğində cərimələnib.
[gallery link="file" columns="1" size="full" ids="105622"]
