Bu ilin yanvar-sentyabr aylarında Samux rayonunda kənd təsərrüfatı məhsullarının istehsal həcmi 95 896,5 min manat olub, bu da əvvəlki ilin müvafiq dövrünə nisbətən 27,1% çoxdur. Bu barədə 20 oktyabr tarixində AZƏRTAC məlumat verib.
Hesabat dövründə 10 859,9 hektar taxıl sahəsində biçin aparılıb. Həmin sahələrdən 43462 ton məhsul yığılıb. Məhsuldarlıq hər hektardan orta hesabla 40 sentner olub.
Təsərrüfatlarda 13 674,7 ton tərəvəz, 1 063,5 ton qarğıdalı, 5 176,3 ton günəbaxan, 3 177,1 ton bostan bitkiləri, 64,8 ton paxlalı bitkilər, 1 927,6 ton kartof, 64 082 ton ot, 22 045,4 ton küləş istehsal olunub.
Cari ildə bundan başqa, 7 603,6 ton meyvə və giləmeyvə, 6 748,4 ton üzüm istehsal edilib.
Hazırda sahələrdə məhsul toplanışı davam edir.
