Dünən, iyunun 19-da Rumıniyanın paytaxtı Buxarest şəhərində keçirilən sərbəst güləş üzrə U-17 Avropa çempionatına yekun vurulub. Sərbəst güləş üzrə yığmamız komanda hesabında Avropa çempionu adını qazanıb.
Yarışda iştirak edən 10 güləşçimizdən 9-u medal qazanıb. Nəticədə yığmamız 210 xalla 1-ci, Türkiyə yığması 136 xalla 2-ci, Gürcüstan yığması isə 118 xalla 3-cü yeri tutub.
Qeyd edək ki, keçirilən turnirdə Sadiq Hüseynov (45 kq), Vasif Bağırov (48 kq), Elman Ağayev (51 kq), Camal Abbasov (55 kq), İlyas İsayev (65 kq) və Yusif Dursunov (110 kq) qızıl medal, Ağa Qasımov (60 kq) gümüş medal, Ağanəzər Novruzovla (71 kq) Şəmistan Axundov (80 kq) isə bürünc medal qazanıblar.
