Sürətli arıqlama üsulları – dəb, yoxsa sağlamlığa təhlükə?
Son vaxtlar həm sosial şəbəkələrdə, həm də idman ictimaiyyətində "sürətli arıqlama" texnikaları geniş müzakirə olunur.
Xüsusilə hava keçirməyən, bədənə sıx yapışan geyimlər və hətta streç-plyonka ilə qaçış etmək, çəki atmaq istəyənlər arasında populyarlaşan üsullardandır.
"Bədənimi sellofanla bağlayıb arıqlayırdım. Ziyanlı olsa da, effektini hiss edirdim," – deyə Baku TV-yə danışan bir sakin bildirib.
Bu metodların məqsədi bədən temperaturunu yüksəldərək tərləməni artırmaq və çəki itirmə prosesini sürətləndirməkdir. Lakin mütəxəssislər xəbərdarlıq edir ki, bu üsul yalnız müvəqqəti olaraq su itkisinə səbəb olur və uzunmüddətli təsiri yoxdur.
Bundan əlavə, orqanizmin su balansını pozaraq, ürək-damar sisteminə mənfi təsir göstərə bilər.
