Suraxanıda son 1 ayda narkotiklərin qanunsuz dövriyyəsi ilə məşğul olan ümumilikdə 95 nəfər saxlanılıb. Bu barədə mayın 14-də DİN xəbər yayıb.
Saxlanılan şəxslərdən 80-i barəsində məhkəmə tərəfindən həbs, 15-i haqqında isə polisin nəzarəti altına vermə qətimkan tədbiri seçilib. Onlardan ümumilikdə 21 kiloqram narkotik vasitə və psixotrop maddə aşkar edilib. Saxlanılanlardan 11-i birbaşa olaraq Suraxanı və paytaxtın digər ərazilərində narkotikin satışına nəzarət edən şəxslər olublar.
Qeyd edilən dövr ərzində Hövsan, Qaraçuxur, Əmircan və Yeni Günəşli qəsəbələrindəki evlərdən, mağazalardan, ödəmə terminallarından, kitabxanalardan silsilə oğurluqlar edən 9 cinayətkar qrupun 14 nəfərdən ibarət üzvü saxlanılıb.
Faktların hər biri ilə bağlı araşdırmalar davam etdirilir.
