Taleh Yüzbəyovun kafesinin reklam lövhəsi sökülüb.
Bununla bağlı 24 oktyabr tarixində Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin nümayəndəsi Nuridə Allahyarova məlumat paylaşıb.
“Taleh bəy bir neçə gün əvvəl quruma nümunəvi sahibkar qismində müraciət edərək, abidənin fasadına vurulan reklam lövhəsinin söküləcəyini bildirib və bu gün qanunsuz müdaxilənin qarşısı alınıb”, - deyə paylaşımda bildirilib.
Qeyd edək ki, lövhəsi sökülən kafelərdən olan “Yüz cafe” adlı obyektin sahibi bloger-aktyor Taleh Yüzbəyovdur.
