Bu gün, iyunun 29-da İspaniyanın paytaxtı Madrid şəhərində keçirilən şahmat üzrə İddiaçılar turnirinin 10-cu turunun oyunları keçiriləcək.
Teymur Rəcəbov qara fiqurlarla Yan Nepomnyaşiyə qarşı oynayacaq. Digər oyunlarda isə Rapportla Liren, Duda ilə Karuana, Nakamura ilə Firuzca üz-üzə gələcək. İlk 9 turdan sonra Teymurun aktivində 4 xal var və o, 5-7-ci yerləri bölüşdürür. Turnir cədvəlinə 6,5 xalla Nepomnyaşi başçılıq edir.
Qeyd edək ki, turnir iyulun 4-dək davam edəcək. Turnirin mükafat fondu 500 min avrodur. Qalib idmançı şahmat tacı uğrunda görüşdə dünya çempionu Maqnus Karlsenlə qarşılaşmaq hüququ əldə edəcək.
