113 il əvvəl batan “Titanik” gəmisinin ən bəxtsiz sərnişini Ernest Tomlin olub.
İnsanoid.com Xarici KİV-ə istinadla xəbər verir ki, gəmidə 3-cü dərəcəli restorana aid su ləkəli bilet parçası sərnişinlərdən birinin meyiti üzərində tapılıb.
E.Tomlinə aid bu sənəd “Titanik” faciəsi ilə bağlı ailəsinin saxladığı, daha əvvəl görülməmiş arxivin bir parçasıdır.
“Daily Mail”in yazdığına görə, Ernest əvvəlcə “RMS Adriatic”də üçüncü dərəcəli bilet alsa da, kömür mədənlərindəki tətillərə görə bir neçə digər sərnişinlə birlikdə Sauthemptondan Nyu-Yorka ilk səyahətini reallaşdıran "Titanik"ə köçürülüb.
Gəminin dəyişdirilməsini Ernestin lüks laynerə minərkən üçüncü dərəcəli sərnişinlərə verilən immiqrasiya sağlamlıq kartı sübut edir. Gəmi biletində “Adriatik” adının üstündən xətt çəkilib və “Titanik” yazılıb.
Əgər gəmi təyinat yerinə çatsaydı, bu kart Ernestin sağlamlıq kağızının qaydasında olduğunu sübut etmək üçün ABŞ səlahiyyətlilərinə göstəriləcəkdi.
“White Star Line” Ernestin İngiltərədəki kədərli anası Harrietə göndərilən məktublar da var. Məktublardan birində oğlunun ölümünü təsdiqləyir və onun cəsədinin immiqrasiya kartından istifadə edilərək tanındığını bildirir.
O, 15 aprel 1912-ci ildə “Titanik” aysberqə çırpıldıqdan sonra batarkən həlak olan 1517 sərnişin və ekipaj üzvünün arasında olub.
“White Star Line” sərnişin departamentindən mayın 23-də göndərilən başqa bir məktubda deyilir ki, Ernestin əşyaları hələ də Halifaks koronerinin ofisindədir, lakin vaxtında göndəriləcək.
Bu arxiv əvvəllər “Titanik mütəxəssisləri və kolleksiyaçılarına məlum deyildi və keçən əsrdə Tomlin ailəsində nəsildən nəslə ötürülmüşdü.
Hazırda bu sənədlər auksionda 150 min funta satılır. Ancaq vaxtilə həmin bilet Ernestin meyitini tanımaq üçün istifadə edilib.
Onun cəsədi çıxarılarkən geyidndiyi jiletinə tikdiyi və ABŞ-da istifadə etməyi planlaşdırdığı iki 1 dollarlıq əskinas da tapılıb.
Auksioner Endryu Aldric arxivi “son 30 ildə bazara çıxan ən bütöv Titanik arxivlərindən biri” adlandırıb. Bu arxiv 1912-ci ildən Tomlinin ailəsinin ixtiyarındadır və son 113 il ərzində yalnız arabir baxılıb.
Bu əşyalar bağlı seyfdə saxlanılırdı və əvvəllər heç vaxt görünməmişdi və Titanik kolleksiyaçılarına məlum deyildi.
[gallery size="full" ids="221914,221913,221910,221909,221908,221907,221906"]
