Şəkidə baş verən yol qəzasında xəsarət alan qadın dörd gün sonra xəstəxanada vəfat edib. Bu barədə iyunun 15-də Oxu.az xəbər yayıb.
1995-ci il təvəllüdlü Günel Göyüşova bu gün səhər saatlarında dünyasını dəyişib.
Qeyd edək ki, qəza iyunun 11-də Şəkinin Aşağı Küngüt kəndində baş vermişdi. “Mercedes-Benz” markalı avtomobilin ağaca çırpılması nəticəsində sürücü, 1990-cı il təvəllüdlü İbrahim Ağalarov hadisə yerində həlak olmuş, Günel Göyüşova isə ağır bədən xəsarətləri alaraq xəstəxanaya yerləşdirilmişdi.
Bildirilib ki, onlar nişanlı olublar. Onların 1 həftə sonra toyları olmalı imiş.
