Türkiyədə zəlzələ baş verən əraziyə yardım daşıyan mikroavtobus və yük avtomobili toqquşub. Bu barədə İnsanoid “TRT Haber”ə istinadən bu gün, 11 fevral tarixində xəbər verir.
Hadisə Türkiyənin Adana şəhərində baş verib.
Hatay şəhəri istiqamətinə gedən, yardımla dolu olan mikroavtobus yardım qutuları daşıyan yük avtomobili ilə toqquşub. Zərbənin təsirindən yük avtomobili yol kənarındakı dərəyə aşıb. Yük hissəsindəki qutular yol kənarına dağılıb.
Qəza yerinə təcili tibbi yardım və polis gəlib.
Yaralanan sürücülər yaxınlıqdakı xəstəxanalara çatdırılıblar.
