Valideyn iddia edir ki, Qaradağ rayonunun Lökbatan qəsəbəsində yerləşən Vüqar Əsədov adına bağçada uşaqlara yavan çörək verirlər. Bu haqda iyunun 20-də övladı həmin bağçaya gedən valideyn Oxu.Az-a məlumat verib.
“Uşaqlara səhərlər yavan çörək verilir. Günorta yeməyində isə sadəcə şorba verilir ki, tərkibində düyü və kök olur. Mən uşağımı səhər evdə yedirib, sonra bağçaya aparıram ki, orada ac qalmasın”, - deyə valideyn bildirib.
O, qeyd edib ki, bağçaya aylıq 20 manat pul ödəyir və hər ay salfet və yuyucu vasitə üçün bağçadan əlavə 2 manat yığılır.
