Vəkil Elçin Qəmbərov 500 000 manatdan çox pulun mənimsənilməsində təqsirləndirilir. Bu haqda iyunun 28-də APA məlumat yayıb.
Uzun illər "Mərkəz" vəkil bürosunun rəhbəri olan vəkil Cinayət Məcəlləsinin 178.4-cü maddəsilə ittiham olunur. O, 4 ay müddətinə həbs edilib.
Sözügedən şəxs, həmçinin bir müddət Vəkillər Kollegiyasının Rəyasət Heyətinin üzvü olub.
Qeyd edək ki, Elçin Qəmbərovun günahlandırıldığı maddədə 10 ildən 14 ilədək azadlıqdan məhrum etmə cəzası nəzərdə tutulub.
