Xaçmaz rayonunda ağacın avtomobilin üzərinə düşməsi nəticəsində sürücü xəsarət alıb. Bu barədə Report 13 yanvar tarixində məlumat verib.
Rayonun Ağtala kəndi ərazisində, Nərəcan-Uzunoba avtomobil yolunda hərəkətdə olan "VAZ-2107" markalı avtomobilin üzərinə ağac aşıb.
Hadisə zamanı sürücü, 31 yaşlı Vüsal Allahverdiyev müxtəlif dərəcəli bədən xəsarətləri alıb.
O, Xaçmaz Rayon Mərkəzi Xəstəxanasının cərrahiyyə şöbəsinə yerləşdirilib.
Faktla bağlı araşdırma aparılır.
