Astarada “Xaş-xaş 2022” şərti adlı kompleks əməliyyat tədbirləri çərçivəsində 2 nəfər saxlanılıb. Bu barədə mayın 20-də Daxili İşlər Nazirliyinə istinadən Trend məlumat yayıb.
Çətənə bitkiləri yetişdirməkdə şübhəli bilinən rayonun Suparibağ kənd sakini M.Həsənov saxlanılıb. Onun yaşadığı evin həyətində əkərək kultivasiya yolu ilə yetişdirdiyi 21 ədəd çətənə bitkisi götürülüb.
Növbəti əməliyyat nəticəsində digər rayon sakininin də həyətyanı sahəsindən kultivasiya yolu ilə becərilmiş 8 ədəd xaş-xaş bitkisi aşkarlanaraq götürülüb.
