Xocavənddə qanunsuz olaraq metal tullantılar toplayan şəxslər saxlanılıblar. Bu barədə Daxili İşlər Nazirliyindən APA-ya bildirilib.
Hadisə rayonun Çıraquz kəndində qeydə alınıb. Belə ki, Şamil Nurməmmədov, Ədalət Qasımov və Elşad Bayramovun idarələrindəki “Mercedes” markalı yük avtomobili nəzarət qaydasında saxlanılıb.
Həmin şəxslərin azad edilmiş ərazilərə keçmək üçün icazələrinin olmadığı müəyyən edilib. Avtomobilin yük yerində topladıqları 25 tona yaxın qara metal tullantıları aşkar edilib.
Faktla bağlı toplanan materiallar məhkəməyə göndərilib.
