Yaponiyada “Toyota”nın zavodunda toztoplayıcı qurğu partlayıb.
Bu barədə Yaponiyanın NHK telekanalı məlumat yayıb.
Mənbənin məlumatına görə, partlayış Ayti prefekturasında yerləşən və “Toyota” avtokonserni üçün ehtiyat hissələri istehsal edən zavodda baş verib. Partlayışın baş verdiyi “Fujioka” müəssisəsi “Toyota Boshoku Group”a daxildir.
Hadisə nəticəsində ən azı üç nəfər xəsarət alıb, onlardan birinin vəziyyəti ağırdır.
İlkin məlumata görə, zavodda toztoplayıcı qurğulardan biri partlayıb.
