Yüksəliş müsabiqəsinin əyani mərhələsi başa çatıb. Bu haqda müsabiqənin rəsmi səhifəsində məlumat verilib.
Namizədlər 11-12 iyun tarixlərində "Qabiliyyət üzrə yoxlama imtahanı" və "İdarəetmə bacarıqları" üzrə 2 imtahan veriblər. İlk imtahandan 1081 nəfər qeydiyyatdan keçib. Onlardan 1052 nəfər iştirakçı imtahanı uğurla tamamlayaraq “İdarəetmə bacarıqları” mərhələsində iştirak etmək haqqı qazanıb. Sonuncu imtahanın nəticələri bu həftə ərzində açıqlanacaq.
Qarşıda yarımfinal və final mərhələləri var.
“Yüksəliş” müsabiqəsinin 20 qalibini 1 il ərzində idarəçi rəhbərlərdən – iri şirkətlərin top-menecerlərindən və dövlət qurumlarının rəhbərlərindən fərdi karyera məsləhətləri almaq imkanı, kadr ehtiyatı bankına daxil edilmə və 20 000 manat dəyərində pul mükafatı gözləyir.
