Zaqatalada şabalıd yığımı sona çatıb. Bu barədə oktyabrın 25-də APA reportaj hazırlayıb.
Sakinlərin sözlərinə görə, məhsuldarlıq xeyli aşağı düşüb. Artıq 15 ildən çoxdur ki, şabalıd ağaclarının məhsuldarlığı ildən-ilə azalır. Ağaclar tədricən quruyur. Bir çox ərazilərdə isə ağaclarda tam quruma baş verib.
Fermerləri narahat edən tək məsələ ağacların quruması deyil, onlar həm də bazar qiymətlərinin aşağı olmasından narazılıq edirlər.
Qeyd edək ki, rayonun Meşleş, Yuxarı Tala, Car, Yuxarı Çardaqlar, Əzgilli, Qalal, Qas və başqa dağətəyi kəndlərində şabalıd sakinlərin əsas gəlir mənbəyidir.
