Zaqatala Rayon Mərkəzi Xəstəxanasında qanvermə aksiyası keçirilib. Bu barədə 25 yanvar tarixində Azərtac məlumat verib.
“Qan ver, həyat qurtar!” devizi ilə keçirilən aksiyada 162 nəfər könüllü qan verib. Aksiyanın əsas məqsədi talassemiya və hemofiliyalı xəstəliklərdən əziyyət çəkən insanlara kömək göstərmək, onlara dəstək olmaqdır. Könüllülər arasında rayonun ayrı-ayrı əmək kollektivlərinin nümayəndələri, həmçinin sakinlər fəal iştirak ediblər.
Toplanan qan laboratoriya müayinəsindən keçirildikdən sonra Mərkəzi Qan Bankına təhvil veriləcək və irsi qan xəstəliklərindən əziyyət çəkən insanların müalicəsində istifadə olunacaq.
