Zaqatalada içərisində 300-ə yaxın cücə olan köməkçi tikili yanıb. Bu barədə Qafqazinfo 10 yanvar tarixində məlumat verib.
Yanğın gecə saatlarında rayonun Aşağı Tala kənd sakini Heydərov Ramin Rauf oğluna məxsus köməkçi tikilidə baş verib.
Hadisə yerinə yanğınsöndürən texnika və canlı qüvvə cəlb olunub. Yanğın zamanı ümumi sahəsi 150 kv.m olan köməkçi tikilinin 15 kv.m sahəsi və 300 ədəd cücə yanıb. Tikilinin qalan hissəsi və yaxınlıqdakı tikililər yanğından mühafizə olunub.
Yanğının başvermə səbəbi araşdırılır.
