Zaqatala rayonunda qətl törədilib. Bu barədə İnsanoid noyabrın 5-də Baş Prokurorluğa istinadən xəbər verir.
Noyabrın 4-də Zaqatala rayonunun Fındıqlı kəndi ərazisində 1970-ci il təvəllüdlü Elxan Xəlilovun öldürülməsi barədə prokurorluğa məlumat daxil olub.
Məlum olub ki, onu tanışı, 1952-ci il təvəllüdlü Qriqoriy Burqandinov aralarında yaranmış münaqişə zamanı spirtli içki şüşəsi ilə baş nahiyəsinə xəsarət yetirərək qəsdən öldürüb.
Faktla bağlı Cinayət Məcəlləsinin “qəsdən adam öldürmə” maddəsi ilə cinayət işi başlanıb.
Qriqoriy Burqandinov şübhəli şəxs qismində tutularaq istintaqa cəlb edilib.
Qeyd edək ki, Elxan Xəlilov Qriqoriy Burqandinovun fındıq bağının yaxınlığında olan başqa bir bağda gözətçi işləyirmiş.
