Zaqatala rayonu ərazisində itkin düşmüş Hindistan Respublikasının vətəndaşı, 1993-cü il təvəllüdlü Manikanth Kondaveetinin axtarışına xüsusi təlim keçmiş itlər cəlb olunub. Bu barədə 24 iyun tarixində Fövqəladə Hallar Nazirliyi məlumat yayıb.
Məlumata əsasən, sözügedən vətəndaşın itkin düşdüyü ehtimal olunan marşrut üzrə axtarış-xilasetmə tədbirləri bir sıra qurumların qüvvələri və yerli əhali tərəfindən həyata keçirilir.
Qeyd edək ki, itkin düşən 29 yaşlı hindistanlı turistin tapılması üçün mükafat 10 000 manat təyin olunmuşdur, daha sonra 25 000 manata qaldırılmışdır.
