Aktauda qəzaya uğrayan Azərbaycan təyyarəsi ilə bağlı araşdırmalarda yeni məlumat ortaya çıxıb.
İnsanoid.com xəbər verir ki, AZAL-a məxsus təyyarəni Qroznıdan idarə edən dispetçerin “Terek” futbol klubunun keçmiş üzvü, çeçen əsilli Ali İdrisov olduğu məlum olub.
Rusiya İstintaq Komitəsinin müstəntiqləri artıq Qroznıdadılar və Ali İdrisov dindirilib. O, ifadəsində bildirib ki, təyyarənin enişi zamanı PUA hücumu və ya hava hücumundan müdafiə tədbirləri ilə bağlı məlumatlı olmayıb, "Kovyor" planı barədə isə faciə baş verəndən beş dəqiqə sonra məlumat alıb. Rusiyalı müstəntiqlər eyni zamanda Hava Hərəkətinin İdarə Edilməsi üzrə Dövlət Korporasiyasının yerli bölməsinin əməkdaşlarını da dindiriblər.
Qeyd edək ki, dekabrın 25-də Aktau yaxınlığında AZAL-a məxsus təyyarənin qəzaya uğraması nəticəsində 38 nəfər həlak olub, 29 nəfər sağ qalıb. Qroznı üzərində GPS sistemindən məhrum edilən təyyarə ardınca "Pantsir"lə vurulub. Bu səbəbdən pilotlar Aktauya istiqamət götürüblər.
