Çindəki bağçaların birində İngilis dilini tədris edən azərbaycanlı müəllimlə vida mərasimində azyaşlılar duyğusal anlar yaşayıblar.
İnsanoid.com xəbər verir ki, uşaqlar üçün böyük qardaş kimi olan azərbaycanlı müəllim, öz təcrübəsini belə bölüşüb:
"Ömür boyu ağlıma gəlməzdi ki, nə vaxtsa Çində yaşayacam, hətta burada çinli uşaqlara İngilis dili tədris edəcəm.. İlk gəldiyim vaxtlarda dil baryeri, tanımadığım mədəniyyət, işsizlik və çətinliklərlə üzləşdim. Lakin bir gün özəl bir bağçadan iş təklifi aldım və dərsə başladım. Əvvəl qorxurdum, amma uşaqların intizamı və anlayış qabiliyyəti məni valeh etdi. Onlara ideal bir müəllim deyil, sanki böyük bir qardaş oldum. Sizi çox sevirəm, balaca pandalarım. İgo laoshi (müəllim) sizdən ötrü çox darıxıb.”
Bu duyğusal vidalaşma Çinli uşaqların müəllimlərinə qarşı sevgi və bağlılığını bir daha nümayiş etdirib.
