Oktyabrın 5-dən Bakıda binalarda mərkəzi istilik sistemlərinin yoxlanılmasına başlanılıb. Bu barədə "Azəristiliktəchizat" ASC-nin rəsmisi Rafiq Əliyev Trend-ə bildirib.
Müxtəlif vaxtlarda rayonlar üzrə sistemlərə soyuq su veriləcək. Nümayəndənin sözlərinə əsasən, bu müddət ərzində sakinlərə istilik sistemlərində təmir işlərini dayandırmaları barədə xəbərdarlıq edilib.
“Azərbaycanda dağlıq və dağətəyi rayonlarda istilik mövsümü noyabrın 1-dən, Bakıda və digər ərazilərdə isə noyabrın 15-dən başlayacaq”, - deyə Rafiq Əliyev vurğulayıb.
Hazırda ölkədə 550 qazanxana istismar edilir. Bu qazanxanalarla 3 800 yaşayış binası və mənzil, 291 məktəb, 150 uşaq bağçası, 159 səhiyyə obyekti istiliklə təmin edilir.
