10 iyun - 3 iyul 2021-ci il tarixləri ərzində Azərbaycana 57 min 636 turist gəlib. Bu barədə Dövlət Turizm Agentliyindən məlumat verilib. Araşdırmalarımıza görə, turistlərin ən çox marağına səbəb olan yer İçərişəhər və onun tarixidir.
Lakin İçərişəhərin yeraltı dünyasının özü də ayrılıqda bir tarixdir. Bura yeraltı hamamlar, bir neçə otaqdan ibarət olan su anbarları, haqqında indi də əfsanələr söylənilən gizli yollar daxildir.
Bakının qala divarlarının möhkəmliyini qoruyub saxlamaq üçün divar boyu yeraltı yollar bu tikilinin ayrılmaz hissəsi kimi inşa olunub.
"İçərişəhər” metro stansiyasının İçərişəhərə giriş qapısından Qoşa Qala Qapılarına qədər uzanan yeraltı yol əsgərlərin rahat hərəkəti üçün inşa edilib. Bu yeraltı yol hələ də öz strateji və memarlıq əhəmiyyətini qoruyub saxlayır.
Yeraltı tikilinin içərisində yerləşən bir neçə otaqdan ibarət su anbarı hal-hazırda qalmaqdadır. Yеrаltı yоl vахtilə fəаliyyətdə оlаn böyük su kəmərinin qаlığıdır. İçərişəhərdəki yeraltı hamamda şəhərə girən tacirləri məcburən çimizdirər, təmizlənməmiş onları şəhərə buraxmazdılar. Onun qala qapılarının yanında yerləşməsi də bu səbəblə izah olunur.
Bu adsız hamam təqribən XIV əsrin sonları XV əsrin əvvəlləri Şirvanşahlar dövlətinin əmin-amanlıq dövründə inşa edilib və tеmpеrаtur rеjiminin sаbit sахlаnması üçün yеr аltındа tikilib. Vахt kеçdikcə, tоrpаq qаtının qаlınlığı аrtаrаq оnu tаmаmilə örtüb. 1906-cı ildə İçərişəhərin ruslar tərəfindən tam işğalından sonra indiki yeraltı hamamın ərazisi rusların hərbi komendantlığına çevrilib.
