Azərbaycan Respublikası Prezidenti İlham Əliyev Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti publik hüquqi şəxsin Müşahidə Şurasının tərkibində dəyişiklik edilməsi haqqında yeni sərəncam imzalayıb.
İnsanoid.com Prezidentin Mətbuat Xidmətinə istinadən xəbər verir ki, bu dəyişiklik, Prezidentin 2022-ci il 22 iyul tarixli 3382 nömrəli sərəncamının bir hissəsinə yenidən baxılmasını nəzərdə tutur.
Sərəncama əsasən, Müşahidə Şurasında “Azərbaycan Respublikası iqtisadiyyat nazirinin müavini” vəzifəsində olan Sahib Məmmədovun adı “Azərbaycan Respublikası iqtisadiyyat nazirinin birinci müavini” Elnur Əliyev ilə əvəz edilib. Sərəncam imzalandığı gündən etibarən qüvvəyə minib.
Bu qərar Azərbaycan Respublikası Konstitusiyasının 109-cu maddəsinin 32-ci bəndinə əsaslanaraq qəbul edilib.
