Özbəkistanın Fərqanə şəhərində gənc valideynlər borclarını ödəmək üçün yenidoğulmuş oğullarını satmağa cəhd göstəriblər.
İnsanoid.com xarici KİV-ə istinadən xəbər verir ki, 2024-cü ilin oktyabr ayında gənc oğlan və qız tanış olub, valideynlərindən xəbərsiz nişanlanıb və birlikdə yaşamağa başlayıblar. Lakin tezliklə onların arasında münaqişələr yaranıb. 2025-ci ilin oktyabrında cütlüyün oğlu dünyaya gəlib. Həmin vaxt qızın 19 yaşı var idi.
"O vaxtlar atamla dalaşmışdım. Mənə uşağı götürüb evdən getməyimi söylədi. Böyük bir münaqişə oldu. Həmin vaxt oğlumla birlikdə evdən getmək məcburiyyətində qaldım", — deyə təqsirləndirilən şəxs bildirib.
Uşaq doğulduqdan sonra kişinin iş yerinin dəyişməsi ilə əlaqədar ailə Fərqanəyə köçüb, lakin onların maddi vəziyyəti pisləşib. Pulları çatmadığı üçün ər-arvad kreditlərini bağlamaq məqsədilə körpəni satmaq qərarına gəliblər.
"Həyat yoldaşımla razılığa gəldik. Kreditlərimiz var idi, onları bağlamaq istəyirdik. Ondan sonra anamla birlikdə Türkiyəyə qazanc dalınca getməyi və ev üçün pul yığmağı planlaşdırırdım. Pulu məhz buna xərcləmək istəyirdim. Həyat yoldaşımın planlarımdan xəbəri var idi. Uşağı satdıqdan sonra ayrılmaq fikrində idik", — deyə qadın məhkəmədə bəyan edib.
